பருவகாலம்

பத்தாம் வகுப்பு விடுமுறை
அதுபோன்றொரு அனுபவமில்லை இதுவரை

மனித உடலுக்குள் இருக்கும்
மாய ஜாடிகள் திறக்கும்
பருவகால பயணத்தில் கிடைக்கும்
ஒவ்வொரு நொடியும் மனமது கிடந்து திளைக்கும்

தேன் குரல் போய் ஆண் குரல் பிறக்கும்
முகக்கண்ணாடியிலேயே முகமது மூழ்கிகிடக்கும்
பால் வடிந்த கன்னங்கள் பழுக்கும்
அன்றாடம் புதியதாய் பத்து பருக்கள் முளைக்கும்

மூக்கின் கீழ் கம்பளிபூச்சி ஒன்று வந்து படுக்கும்
அதை காணக்காண மனமது றெக்கைகட்டி பறக்கும்
அணிந்துவந்த அரைக்கால் சட்டை மூளையில் கிடக்கும்
புதியதாய் வாங்கிய முழுக்கால் சட்டை இடுப்பிலே இருக்கும்

எதிரில் வரும் பெண்ணை கால்கள் மட்டுமே கடக்கும்
வரமனமில்லாமல் நினைவது அங்கேயே கிடக்கும்
சந்தியாகாலத்தில் மொட்டைமாடி தனிமை பிடிக்கும்

ஏன் எதற்க்கென்றில்லாமல் எதற்க்கெடுத்தாலும் வெட்கம் தாவியனைக்கும்.